همومي هبيعها مجاني
ومش شاري هموم تاني
ولو حبايبي هيإذوني
هعيشها بطولي واحداني
هعيشها بطولي واحداني
هعتزل الناس هتعامل بس على خفيف
من بكرة خلاص قلبي مش هيدخل ضيف
بقى مين تآمنله دلوقتي بقى مين مضمون
دانا كل اللي أفتكره موسى بيطلع فرعون
بكفاية كفاياني بطمن عمياني الحب ده في الأغاني
واللي يجي عليا أنا هسويه عالهادي
وهعيش بمزاج من سجن الطيبة هطلع إفراج
وهعيش بمزاج وهسكت منعا للإحراج
هصبر ليه وهستحمل ليه كل اللي هيإذيني هأذيه
والعين بالعين دانا اللي يجي عليا هسويه
عالهادي
شجرة أسافين طرحت والكل بقى بياكل
يقولولي آسفين ويجيبولي رجلي في مشاكل
والله ما بقتش بصادف ولا حد صريح
هقفل على قلبي بإقفال مالهاش مفاتيح
بكفاية كفاياني بطمن عمياني الحب ده في الأغاني
واللي يجي عليا أنا هسويه عالهادي
وهعيش بمزاج من سجن الطيبة هطلع إفراج
وهعيش بمزاج وهسكت منعا للإحراج
هصبر ليه وهستحمل ليه كل اللي هيإذيني هأذيه
والعين بالعين دانا اللي يجي عليا هسويه
عالهادي
