راح الزمان وحلو الايام روح

ياقل من وقف وياكثر من طاح

ياصاحبي لاعاد تجمع وتطرح

ماعاد باقي في العمر كثر ماراح

سمعت نايحه الحمايم تنوح

عليك ياوقت المسرة والافراح

متاعب الايام توجع وتجرح

وتزاحمت في قلبي اوجاع وجراح

كثر البكا مافاد قيس الملوح

وكثر الحكي ماسر ياصاح من صاح

بعض الحذر مازاد رزقن ومربح

وبعض الخساير ماتعوض بلارباح

الحض مايل والليالي تمرجح

والدايم الله والمخاليق سواح

الناس بالدنيا كراسي ومسرح

ومحدن على دنياه راضي ومرتاح

وين القلوب اللي تداوي وتجرح

وين العيون اللي بها ضل ابرتاح

مسك الكلام المختصر والموضح

وين انت يادرب السعاده والافراح