الحلال والحرام
كلمات / رضا محمود
شفت الكلام أخرتها مرة وشحططة
حتى الحلال تاه فى الحرام
والدنيا أخر لخبطة
ناس بتستحلى الحرام
المهم معاها كام
للفلوس تعظيم سلام
مش مهم مين الضحية
اللى واكل حق غيرة
واللى سهل يبيع ضميرة
والحلال اتقل خيرة
والحرام بقى ميه ميه
الحلال بين والحرام بين
والناس بتتدارى ولا حد بيبين
والفلوس أقوى والناس بتستقوى
والدنيا شدت حيلها ولا رحمة ولا تقوى
شدوا الستاير ع الضماير
دى دنيا فانيه وكاس وداير
الحلال ويا الحرام
مهو كل شئ بين
الضمير واخد اجازة
والكلام مبقاش له عازة
لو فكرت تقول لماذا
يبقى تتوه جوة الحكاية
دنيا فيها ناس بتخدع
مهما تاكل مش بتشبع
والفقير هو اللى يدفع
الفاتورة فى النهايه
