القلب حزين على البلد مكسور
نفس الداء و المعاد و ماف أى دكتور
ناس ماتت ف عز النوم
لا راعوا شهر الصوم
طلقة ودانات ف الشوارع و الفصول
زخيرة حية طول ماف قاتل فى مقتول
ف لحظة قلبتوا العاصمة الخرطوم دارفور
ولسه ولسه ما شبعتوا خلاف بالوعود
نحنا الچيل ل ما هيقول يا ليت الشباب يعود
كرهنا الواقع بيتكرر و نحنا عليهو قاعدين شهود
جنابو اخويا مات شهيد جنابو صاحبى هناك مفقود
جنابو قولى منو الكسبان نحنا الشعب ل طلع خسران
جنابو ما داير اموت عطشان أو من قذيفة بدون عنوان
جنابو داير أودع أهلى قبل ما يستروا الجثمان
لا ما تقولى دى السودان بلد لا أمن لا أمان
ل بيحصل ده حرام ... ده ما كلامى ده رأى عام
جنابو انا من السياسة بعيد برئ ما مع أى فريق
ليه تجينى رصاصة طايشة و أنا قاعد ف حوش البيت
ما معقولة عشان منصب و سلطة سعادتك
تدمر و تقتل تحرق البلد سعادتك
إن شاءالله بس لقيت ف موتنا راحتك سعادتك
نسيت أن فى قدام يوم الحساب حضر شهادتك
شايفينك ي سودان حضن دافى زى بيتنا
دايرينك ي سودان بس انت ليه ابيتنا
خلاص ي جنابو موتنا و طلعتوا زيتنا
مواطن بلا وطن دى الحقيقة ليه وريتنا
