لمّا شاب بعمر الورد
يسافر ع الهدا
وقتا منعرف معنى البعد
و الحزن ابتدا
قبرك اللي من دمعي سقيتو
احلى من الجنة خليتو
بدمعات عيوني حليتو
ما تخبر حدا
محمد يلي كنا سويي
نتبادل الضحكات
بلحظة موت قسيت عليي
و تركت الدمعات
يعني ما عاد رح ترجع
ولا كلمة حلوة رح اسمع
لما بسمع اسمك بدمع
و بحس بغصات
ع قبرك رح ابقى حدك
بركي بحاكيك
ما بتخايل تبقى وحدك
او ما لاقيك
ما الجنة اللي انت فيها
ع قبرك ريت بخليها
صدقني انت محليها
و مبسوطة فيك
شمعة من دموعي جبتلك
و زادو سنينك
و عهود محبة قطعتلك
صون محبينك
ما العمر مش بالايام
ولا حتى بكتر الاحلام
بينقاس العمر بآلام
ختير عسنينك
