هدير النبض فى عروقى بيندهلك … وحشتينى
وقلبى الشاعر الملهوف بيوهبلك دواوينى
وخطوة كفى لما يطوف بتقطفلك رياحينى
وانا منك وانا ليكى
ومهما ابعد بلاقيكى
هدير النبض فى عروقى بيندهلك … وحشتينى
بعيد عنك حياتى شمسها بتغيب
وقلبى يأن فى ضلوعى كأنه غريب
ملوش مرسى ملوش عنوان ونبضه لهيب
وانا منك وانا ليكى
ومهما ابعد بلاقيكى
هدير النبض فى عروقى بيندهلك … وحشتينى
يا غنوه حروفها اشواقى .. انا ليكى
ولو فى العمر يوم باقى هغنيكى ..هغنيكى
ولو قلبى جناح مكسور ..هعيش بيكى
وانا منك وانا ليكى
ومهما ابعد بلاقيكى
هدير النبض فى عروقى بيندهلك … وحشتينى
