أكتر كلمه بتيجي في بالي
كلمة ليه بعديها سؤال
ليه مش بنحس ببعضينا
ليه القسوة بقت عالبال
طب ليه بقيتو كلاب عالكيف
ليه بتبقو في نظري أندال
أو ليه مجربتوش تماشونا
من غير مصلحه يابا أو مال
ليه الرجوله بقت عضلات
ليه الكرامه بقت بكاشات
ليه الصحاب هوا في الازمات
ليه الصحاب مش زي زمان
ليه الوسايط بيها نعيش
ليه الشهادة برواز في النيش
ليه الادب يابا ما نفعنيش
ليه التفاهة عملت خرفان
ليه لو حد عرف اسراري
يحكي لطوب الأرض عليها
ليه ما يصونش السر يا دنيا
ده انا اسراره محتفظ بيها
طب ليه الضحكة اونطه في وشي
وانا دمعتي معرفش اداريها
يمكن علشان الشامتين
اللي بيفرحو فيا وفيها
الجدعنة طلعت على ايده
كبيرنا في اي حكاية راس حاربه
باسم البوب اللي مشرفنا
سيطه بيّن من أول ضربه
مدينة العبور يا عمنا بلده
وارض الرعب دي معروفه شبرا
واللي يفكر يوم يزاولنا
كبيره طلقه ويسكن تربه
ليه الحياة مدرسة ودروس
ليه الخيانة في الدنيا تجوز
ليه الغلوبه صبح اراجوز
ليه الفقير اصبح نسناس
ليه كل حاجة بقت بفلوس
ليه اللي ربه عطاله يدوس
ليه الجراح جيالي مخصوص
اكمني مش بشتكي من الناس
أول ما شوفت صحابي بيهرو
في ظهر بعض في شئ جوايا
نده وقالي ليه كل صحابك
في الظهر عابو في الوش دعايا
وليه نعيش في حياة بعضينا
واحنا كارهين بعضينا بكفاية
هيجرا ايه لو مع بعضينا
نكون اخوات ولبعض مراية
ليه كله بقا بالكاش ببلاش
ليه كله عطا لكرامته طناش
ليه عالبكاسه كله بيكراش
ليه عالنفاق حادفين نفسيكو
ليه صاحبي يشمت فيا انا ليه
ليه الصفار مزروع في عنيه
ليه كل دوة بيحصل ايه
ليه الحرام في عنيكو غانيكو
ليه كل لما اشوفكو فقاعده
هزار في غل في ضحك فصلني
ليه شفتو ضحكتي من قفشتكم
مع اني بضحك غصبٍ عني
ليه قالو كل كلام يوجعني
عشان يراضو شيطانهم مني
ليه قبل ما يقولوا اي كلام
كانو حسو انهم قاتليني
ليه حب عمري قدر ونصيب
ليه اشوفها ليا وهي تسيب
ليه ندي فرصه نعاشرو غريب
ليه اعيش لغيرك وتعيشي لغيري
ليه قلبي بعد ما حب يموت
ليه تكسري قلبي المبسوط
ليه تبني غل ما بينا تابوت
ليه بعد ما اشتاقلك تسيبيني
ليه كل اخر يوم بيزورني
بشوفني راضي بقليلي يا اخوانا
وليه بشوف اللي قصاد مني
بينهشو رزقنا قدامنا
ده ليه ما يدوش الكل حقه
هيجرا ليهم ايه يا زمانا
هيشترو في الاخرة قصور
لما في الدنيا يكونو ظالمنا
ليه اللي عاش بلغة مسجون
ليه يفتكر نفسه الفرعون
ليه اللي يتلون مية لون
بتقولو عنه ده عندو طموح
ليه القاسي معموله حساب
ليه الغلوبه اتساب عالباب
ليه الصادق متشاف كذاب
عشان ماعوش هيعيش مجروح
