لفيتي وْ قَرَّت عيون المسا بْـنورك وفـاح الزين
تبارك من خلق حِسْنك وْصَلّا ع النبي المختار
هلا بك وارحبـي يا آمنه يا شيخة الحلوين
هلا و قْـلوبـنا إتـردّد عليك إسْـم الله والأذكـار
تجين إنتي وْعلى زينك يْاحيّ أرضٍ بها تمشين
على دُوسَة قِدَمْك وْلاإنعِكَس ظلِّك عليها وسار
على هالضحكة والطَلَّة اللي كنْها إنخلقت مْن اللّيْن
وْ وَجهِك و العيـون اللي حلاها دَوَّخ الأشـعـار
يا سبحان الِّذي مَـيـّز تـفاصيلك بهالشيئـين
حضور بْهيبة الشمس وْ جمال بْـرِقَّـة الأزهار
وْكَمَّل زينك بْحِشمة وْمعاني وْجُود وأصْل وْدِيْن
وْ صـوتٍ رِقـِّتَـه ما تِشبَه إلاّ نـَفـَّة الأمـطـار
دلالِك..رِقِّتِك طيبك عليك الحافظ مْن العين
وُصوفٍ مثْلها ما ظِن يصير وُلا بَعَد قِـد صـار
يابنتٍ لو تبـي القمره يقال إلها فِداك الزيـن
وإذا ماتِنهِدى لْعينك أجل وش خانة الأقمار
وهذا بعْض وَصْفِك والغلا ولاّإنتي مثلِك وين
وإنتي الرّاقية يا آمنه بْـ ذوق وْ معاني كثـار
وإنتي بنت بو سلطان كريمة زاكي الجدّيـن
علي الحمراني”سَمْح الوجه وْزَبن المنتخي والجار
إلٰهي يسعِد فْوادك في ظِل أحمد عُمُر وسْنين
هذاك الوافي الحـُر اللي بِك فاز وْ عرف يختـار
وْعسى الله يْديمكم في خير وحب ٍيجمع القلبين
وافراح آل حمراني جَعَلـْها دوم وْتضوي الدار
يارب آمين وْ يرزقكم من أفضاله يارب آمين
سعـادة ما يعـرْف أعدادها إلاّ عـالِم الأسـرار
عدد ما سَبّحوا بْإسمه و طافوا بيـته مْلبّـيـن
وْعدد ماصَلّت الدنيا على الهادي النبي المختار
تجين إنتي وْعلى زينك يْاحيّ أرضٍ بها تمشين
على دُوسَة قِدَمْك وْلاإنعِكَس ظلِّك عليها وسار
على هالضحكة والطَلَّة اللي كنْها إنخلقت مْن اللّيْن
وْ وَجهِك و العيـون اللي حلاها دَوَّخ الأشـعـار
يا سبحان الِّذي مَـيـّز تـفاصيلك بهالشيئـين
حضور بْهيبة الشمس وْ جمال بْـرِقَّـة الأزهار
وْكَمَّل زينك بْحِشمة وْمعاني وْجُود وأصْل وْدِيْن
وْ صـوتٍ رِقـِّتَـه ما تِشبَه إلاّ نـَفـَّة الأمـطـار
