عايش دايما على ذكرياتك
عشان بتلاقي فيها امانك
نفسي اعيشها دا لسان حالك
نفسك تايهة من زمان
انت المذنب انت القاضي
حاكم على نفسك ومش راضي
عقلك في الحاضر قلبك في الماضي
حاسس بـ أمان في اللا أمان
وحشني وجودكوا وحشني كلامكوا وحشني سكوتكوا
ليه سايبيني لوحدي بعاني ليه خلفتوا بكل وعودكوا
في ليالي الشتاء الحزينة كل اللي زيي ف المدينة
سهرانين عايشين ع الماضي مش قادرين ننسى اللي نسينا
نفسي يعرفوا إن غيابهم فارق انا للماضي هربان انا لاجئ
زمني يعدي زمانهم سارق لو قولت انا كويس انا مش صادق
رسالة للغايب بابي انا لسه سايبه موارب
اقفل بابك انهي عذابك ليه متحمل ليه بتعاند
ايامي فقدت معانيها شبه بعض ومفيش جديد فيها
روحي مش لاقية اللي يداويها ليلي بالبرد قادر يواسيها
ذكريات لسه انا بحكيها صفحة قديمة ونفسي اطويها
وكل ما افكر اني امحيها تيجي أغنية بسهولة تحييها
عمري عداء في سباق انا مش مدرك انا متساق
هو مكمل وانا بغباء حياتي بتضيع ف سبيل أهواء
انا في زمان والناس في زمان نفسي افوق من زمن كان
بس ازاي هتاخد خطوة وانت مش باصص قدام
عايش دايما ع ذكرياتك
عشان بتلاقي فيها امانك
نفسي اعيشها دا لسان حالك
نفسك تايهة من زمان
انت المذنب انت القاضي
حاكم على نفسك ومش راضي
عقلك في الحاضر قلبك الماضي
جنب الشباك فيه حكاوي طريق طويل مزيكا بتداوي
في عالم تاني وانا في مكاني الحاضر الغايب بقى عنواني
قالوا الحياة مبتوقفش لازم تسايرها لازم تتحمل
وانا حياتي لسه معاكوا لا قادر انساكوا ولا افوق ولا اكمل
انا شخص في زمنه اتنفى على حالي دا بقالي كذا سنة
في ناس في عز البرد وجودهم هو احساس بالدفا
النسيان من قاموسي اتلغى قدام مرايتي انا مش انا
هتعيش تنادي تعاني وتهاتي وانت في الارض وهما في السما
نفسي القديمة وحشاني وانا تلقائي في كل افعالي
مش متصنع ولا بداري واللي في قلبي كان على لساني
وزاد كدا يأسي غابت شمسي وزمني عكسي
انا تايه مني بدور عليا راجع لماضيا في رحلة البحث عن نفسي
في ايدي صورنا رافض احكيلها كل اللي حصل ما بينا
هسيبها بتضحك مش هحكيلها اننا على البعض قدرنا
كنت حابب الوحدة نفسي في عالم اكون فيه لوحدي
وعرفت قيمة العيلة ووحشاك دوشتهم دلوقتي
عايش دايما على ذكرياتك
عشان بتلاقي فيها امانك
نفسي اعيشها دا لسان حالك
نفسك تايهة من زمان
انت المذنب انت القاضي
حاكم على نفسك ومش راضي
عقلك في الحاضر قلبك في الماضي
حاسس بـ أمان في اللا أمان
