عيبك يا قلبي انك بتتعلق قوام
الذنب ذنبي ولا عيبك الأختيار
دايما بتحكم ع المشاعر م الكلام
وتملي بتفوق ع الأذيه والأنكسار
فتح عينيك
الدنيا دي ملهاش امان
واقفل ف وش
الذكريات كل البيبان
لو كان زمان هيدمرك
امسح زمان
البعد جنه
مادام لاقيت القرب نار
......
انساه يا قلبي
وبكرا يتمني الرجوع
انساه وبكرا هيبكي ليك
دم ودموع
قيمتك مسيره يحسها
ويعرف اكيد
انه ف بعادك
صعب يقدر يوم يعيش
......
انسي اللى سابك عادى
ومتفكرش فيه
مين اللى سابنا وهنفكر
نموت بعديه
لازم بعلو الصوت
تقول انك نسيت
كل اللى ساب نسيانه شئ
ميهمنيش
......
شكرا ع البعد
اللى وراني الحياة
شكرا ع اللى بجرحه
غيرني وأذاني
حبيته بعني
وروحي كانت محتاجاه
لكن مسير الدنيا هتجيبه ف مكاني
......
علشان تعيش
اياك تأمن كدابين
علشان تعيش
لازم تكون م البياعين
......
لو عمري يرجع بيا ولا قابلته فين
مقدرش أأمن قلبه يدخل قلبي تاني
......
انسي اللى سابك عادى
ومتفكرش فيه
مين اللى سابنا وهنفكر
نموت بعديه
لازم بعلو الصوت
تقول انك نسيت
كل اللى ساب نسيانه شئ
ميهمنيش
