يا أهلا بالمعارك يا بخت مين يشارك .... بنارها نستبارك ونطلع منصوريين
ملايين الشعب تدق الكعب ......... تقول كلنا جاهزين
يااهلا بالمعارك
خارج ساعة الصبحية والناس رايحين جايين
نظرتهم فكرتنى بأيام ستة وخمسين
راجع فى المغربية شفت عيون الثوار ...نظرتهم فكرتنى بالضباط الأحرار
شفت إجتماع سياسى .....كلماته نغم حماسى ....ولافيش على قده كراسى
من كتر مافيه ملايين ..... ملايين الشعب تدق الكعب تقول كلنا جاهزين
ياأهلا بالمعارك
وف لحظه نطل ويهدا الكل ونسمع فرحانين
عبد الناصر حبيبنا قايم بينا يخاطبنا ..... نجاوبه ويجاوبنا قائد ومجندين
قول ما بدا لك احنا رجالك ودراعك اليمين
عبد الناصر يقول الله أكبر ويوم الأزهر فى وجدانى
يا شعب قمنا لقهر الصعب من تانى
وعود ماعنديش مافيش إلا النضال عندى
وشقا ومعارك مريرة كتيرة كتير يا أخوانى
كورس: اطلب تلاقى تلاتين مليون فدائى فى جميع الميادين
حليم: عبد الناصر يقول على كل باب فى الميثاق مصباح يسهرينا
نشوف جهادنا العظيم على فين مودينا
(بنات- للافراح).. (رجال-يا ناصر)
(بنات والرفاهية).. (رجال-يا ناصر)
حليم: للآفراح والرفاهية ح نمد طريق ع النيل
اسمه فى الإشتراكية التصنيع التقيل
بس نضاعف انتاجنا... رجال: أضعاف....أضعاف....أضعاف
وندبرمهما احتاجنا ........رجال: ونحارب الإسراف
وبقرش الإدخار نتحدى الإستعمار...ونقيم جدار يحمى حياة العاملين
أدى نقطة بنقطة جميع الخطة وبالله نستعين
ياأهلاً بالمعارك
خطتنا خلاص فى ايدنا وخلاص متشمرين
وحزين يا للى تعاندنا بتعاند جبارين
جبل الجرانيت انشق انشال ...... وفى بحر النيل اتزق آمال
ما فى حاجة تقول لنا لا..... ايش حال يوم تحريرنا فلسطين
والتوبة التوبة التوبةنصير على غدارين.....
وحياة الدم الغالى وحياة عرق الجبين
توبة ما عاد فيها مجاملة خلاص....... ولاعاد للثورة الشاملة مناص
ياأيدينا العاملة ازرعى اخلاص ....واحصدى والرب يعين
احصدى وانقضى اكشفى ..... وارفضى خاينين وانتهازين
ح نشق طريقنا بنور مبادئنا... ولنا النصر المبين
ياأهلا بالمعارك
يا بحر الثورةيا هادر خلى هديرك بنظام
من صوت المكن الداير عين العدو مش حتنام
وانت يا شبابنا اتقدم جه دورك فى التاريخ
بايدك لازم تتقدم مصر فى عصر الصواريخ
وشبابنا نهض يا حبايب.......قال جه دورىمنيش هايب
يسلم لى الشعر الشايب....والناس المخلصين
للمخلصين....... ألف سلام
الإشتراكيين...... ألف سلام
الحقيقيين.....ألف سلام
لجمال وإخوانه....... الف سلام
يحيا لأوطانه...... ألف سلام
وأنا وإنت وهو بخير وسلام....ألف سلام
وسلام مننا لمنى قلبنا..... الوحدة الكبرى
ونعيش ونضالنا يحققها لنا والكل جاهزين
ياأهلاً بالمعارك
