أي دمعة حزن لا لا لا لا .. أي جرح في قلب لا لا لا لا

أي لحظة حيرة لا لا لا لا .. حتى نار الغيرة لا لا لا لا

عايشين سنين أحلام .. دايبين في أحلى كلام

لا عرفنا لحظة ندم .. ولا خوف من الأيام

وقلبي دق دق دق .. قلت مين على البيبان دق

قاللي افتح ده الزمان .. قلت له يا قلبى لا

جى ليه يا زمان .. بعد ايه يا زمان

من كام سنة قلبى وأنا .. عايشين هنا من كام سنة

من كام سنة دنيا الهنا .. بتضمنا من كام سنة

وقال ايه جاى الزمان يداوينا .. من ايه جاي يا زمان تداوينا

دا الأمل في عينينا .. و الفرح حوالينا

سأل الزمان وقال .. ايه غير الأحوال

قلنا له حبينا حبينا .. وارتحنا ونسينا الجرح بتاع زمان

احنا احنا احنا اللى أمنا للزمان احنا

احنا احنا اللى وخد منا الامان وجرحنا

واحنا اللي طاوعنا احنا وعمره في يوم ما ريحنا

ولا ملامة علينا لا ملامة دا احنا تعبنا ودوبنا ياما

واما نادينا عليه يداوينا عمره ما فكر في يوم يجينا

وأدينا عايشين وبقينا عاشقين .. لا جراح في قلوب ولا دمع حزين

ولما دق الحب بابنا .. الربيع نور شبابنا

وقال ايه جي الزمان الزمان يداوينا .. من ايه جاي يا زمان تداوينا

دا الأمل في عينينا والفرح حوالينا

سأل الزمان وقال ايه غير الأحوال

قلنا له حبينا حبينا حبينا .. وارتحنا ونسينا ارتحنا ونسينا

الجرح بتاع زمان

وفي ليلة مش ناسيها .. سهران الفرح فيها

جاني الزمان ومعاه هدية .. فرحت بيها حبيبي الأولاني

سافرت كتير معاه .. بأحلامي في هواه

سقيته من حناني .. وبنيت معاه أماني

وقلت يا ريت يا دنيا .. تديني عمر تاني

وصحيت على العذاب .. لقيت الفرح غاب

والحب يا عيني داب .. أتاري الزمان كداب

وقدرت يا زمان .. في رحلة النسيان

أنسى اللي كان وأرتاح .. وأبعد عن الأحزان

شوف يا قلبي .. شوف يا قلبي .. شوف يا قلبي

شوف الدنيا يا قلبي حلوة ازاي بالحب بالحب يا قلبي

عمرك شفت قمر سهران .. غير للعشاق

ولا نجمة جايبة كلام .. غير للمشتاق

كل العاشقين زينا عايشين .. لا جراح في قلوب ولا دمع حزين

وقال ايه جاي الزمان يداوينا .. من ايه جاي يا زمان تداوينا

دا الأمل في عينينا والفرح حوالينا .. سأل الزمان وقال ايه غير الأحوال

قلنا له حبينا حبينا حبينا .. وارتحنا ونسينا ارتحنا ونسينا

الجرح بتاع زمان