ل شعرٍ مات في مـحـراب عينك
مـا قدرت أكتبـه لو إيـدي تجيده
لي سنينٍ ضـايع فرجـوى سنينك
و بي كلامٍ كـل قَـسـوه بِـك تبيده
كيف تنسى لي ربى في راحتينك
و كان يكتب كل حبه في قِصيده
يـا حسافة إسم سمو به سجينك
كان ينـسـى .. لكن أيامـه تعيده
و كان يرضى بَن يعيش بكفتينك
عمر ثاني .. لين ما فـكيـت قيده
شوفني بسري ولا قد قلت وينك
مبتعد عـن درب بـه رجلك تريده
ببتعد لـو كـان يـقـتـلني حنينك
مو أنا اللي كنت من مده تحيده
إيه غيري صـار فالفرقى ضنينك
هاتلي عقب الخبر جملة مفيده
مـا أقـول إلا عـسـى ربي يعينك
من يحط الجرح في روحه بإييده ؟
الله يسقي عمر عشته في وِتينك
و الله أدرى بالظنون و في عبيده
عالفراق أشكرك أنا والله مِدينك
لـو تعيده إيـه أنـا برضـى أعيده
و لا تنادي بصوتك الله لا يهينك
عالأقل إتركلي لك صورة سعيده
