هذي إمارات الوفا هذي إمارات الجمال

هذي بلاد الواقع اللي فاق أوصاف الخيال

أرضٍٍ تجسّد معجزه باحساسها وْبناسها

دار التسامح والمحبه والوفا واللا مُحال

تاريخها يشهد لها وطموحها وشموخها

وامجادها عزّ وفخَر بحضورها ورسوخها

من طيب أهَلْها وطيب سيرِتها وطيب شيوخها

جادَت وسادَت واصبحت بين الملا مضرِب مثال

زايد بحكمة عقله وفكره وطيبه سادها

ومحمد ابهيبة شموخه وابتكاره زادها

حتى غزت سطح الفضا ابمسبارها وْروّادها

عزْم وعمَل فَخْر وأمل واقع ولا هو في الخيال

تفخَر بابوخالد مهندس عزها ونوماسها

القايد اللي عَزّها تعتزّ باسمه ناسها

فوق الثريّا شلّ رايتها وْرفع نبراسها

عزّ وذرى لعيالها ولمجدها شمس وظلال