أبوخالد:
لاتخاف الوقت وايام العمر
ولاتضيق الدنيا في عينك ثواني
الزمن لحظات وبسرعه يمر
ومن يعيش الحب لا يمكن يعاني
خالد:
انا شايل حب في قلبي وصور
ماتفارقني ولا لحظه بزماني
لكن بقلبي احس شي انكسر
واشعر الاحساس في لحظه عصاني
أبوخالد:
شوف بعيوني من الوقت شكثر
كم عطيت الحب من قلبي وعطاني
وكم انا عاشرت من ناس وبشر
منهم اللي مانسى ومنهم نساني
خالد:
كل ذكرى تسهر بعيني وتمر
في عيون الليل صرت القى مكاني
وين ابلقى للصبر فيني صبر
والمحبه بحرها ما به مواني
