أقول في نفسي وأنا أعايد الناس متى بشوفك تكمل أفراح عيدي
أجامل وربي عليمٍ بالإحساس وشهو شعوري وأنت عني بعيدي
إلى خذاني لك على السهو هوجاس ماكني إلا وسط ربعي وحيدي
لو حسوا بمابي يقولون لاباس بدال قولة عل عيدك سعيدي
لاصرت عندي وقتي أعياد وأعراس حتى ولو في وسط سجن الحديدي
لو دلني عن ليلة القدر نوماس والله ما أطلب غير شوفك مزيدي
عاشرت خلانٍ وتخالطت بأجناس ما أحدٍ سواك أهديته القلب بيدي
من تحت ماطا الرجل لي هامة الراس كلش هويته فيك والله شهيدي
