جدها النبي خير الوره
و امها البتول الطاهره
زينب عقيلة حيدره
زينب الحره العقيله منهو ما يعرف نسبها
تزهر ابأوج المعالي و الذي علاها ربها
نعجز انوصف قدرها اشمنزله الباري وهبها
يكفي ابإسمها تنعر ف
يگصر ابحگها كل وصف
حتى التخالف تعترف
من عجمها و من عربها
معروفه زينب لا تسأل
امقدسه ابأرفع مكانه
الله الله الله الله
اتحصنت باشرف حصانه
الله الله الله الله
و اليغالط ظل رهانه
الله الله الله الله
كرمها رب المقدره
و ين الي عنها ما دره
زينب عقيلة حيدره
يصعب انعدد مناقب إلها لو نشرح فضلها
زينب ابإجلال يوگف إلها هالعالم يجلها
مثلت أمها الزچيه اشلون ما تطلع مثلها
وين الذي اويانه انتبه
و كلمن ايغالطنه اشتبه
مثلتها مو بس الشبه
ابكل صفات الزهره كلها
مشهوده - أوصاف الحره
أخذت اوصاف الزچيه
الله الله الله الله
و كلها من خير البريه
الله الله الله الله
أحمديه و علويه
الله الله الله الله
من شجرة جدها المثمره
جوهره و أثمن جوهره
زينب عقيلة حيدره
بالطفوف اشچان إلها اشجسدت اروع مواقف
جبل شامخ ما تأثر اتحملت أصعب عواصف
زينب اشنعطيها حقها و إلها شيوصف الواصف
يكفينه نذكر كربله
و موقفها من نتأمله
اتحيرنه جملة أسئله
اتحير المنصف العارف
يا هيبه - توصل هيبتها
إسرت العالم ابأسره
الله الله الله الله
سرها ما يسهل نفسره
الله الله الله الله
و كل أهلها آيه كبره
الله الله الله الله
من بيت ربنه امطهره
منجانه دنيه و آخره
زينب عقيلة حيدره
أمنيتنه نعتنيها يمها كل هذه شملنه
خلي تشهد إلنه زينب ابجاهها الليله ابتهلنه
هذي من تتحقق النه الباري بالطافه شملنه
هالليله مو وكت النعي
نرفع ايدينه و نندعي
ضد كل مخالف مدعي
نحضر و ننصب حفلنه
هنياله- كلمن يوفيها
نبتهج يمها ابفرحنه
الله الله الله الله
اننادي يمچ جينه إحنه
الله الله الله الله
ننسه كل همنه و جرحنه
الله الله الله الله
والذي نفسه امجضره
زينب اتطيب خاطره
زينب عقيلة حيدره
