ترى الليلة فرح والحزن ماله حجة يطري

ما دام القلب في دنياه ما عمره سعد ها الكم

ترى القمره أبت عيّت توافق شمسنا تطري

تقول الليلة ما بسري ولو حزب الفضا التم

أنا عند العنود افرح وإذا طولت خذ عذري

لمحت الزين واعماني سرق قلبي وبه اجرم

و انا اعلنها وأقول انسى اروح ونفترق بدري

أخاف أرحل ترى بدري وعلى عمري أنا أندم

ترى الليلة فرح والحزن ماله حجة يطري

ما دام القلب في دنياه ما عمره سعد ها الكم

أنا أبي اقعد أنا جنبه و اوسّع صدري وعمري

يسولف لي يقسّم لي وانا ما غير أقول أسلم

لقيت حروفه تتباهى وشفت الشعر متبرّي

يقول الفن في حكيَه وانا من كلمته الهَم

إذا الزفه من احتارت تقول الله ما أدري

ابعرف كيف بستحمل خطى دربك وانا مغرم

وإذا الكوشه تنادي لك تقول ارتح على صدري

إلى ما يكتفي قلبي ولا ظنّي أبد يسأَم

ترى الليلة فرح والحزن ماله حجة يطري

ما دام القلب في دنياه ما عمره سعد ها الكم

أنا لا جيت أبوصف لك جماله و ابتدي سطري

ألاقي جف بي حبري تعذّر لي ولا تكلم

لأن سحرك سَحر هالناس من يطري ومن يسري

وحتى الضايق إن شافك على يدّك برى و اسلم

حيَى من جاور وعاشر خفيف الدم جا يبري

جروح الكون مع لطفه بشوش الوجه يتْبسَّم

شموخه هيبته اسمه ثلاث اشياء به تغري

عزيز النفس متواضع عليه الله كرم و انعم

ترى الليلة فرح والحزن ماله حجة يطري

ما دام القلب في دنياه ما عمره سعد ها الكم