كتار اللي عرفو قصتك

قلال كتير اللي عاشوها

بالضحكة بدّن بصتك

شرط همومك ينسوها

ووقت اللي الزعل حدّك

وحدك بتعيش همومها

هالحياة ومين قدّك

دفّش تتنسا دموعها

شافو ملحك مع الكلّ

وعرفو قيمتك من برّا

يا ويلي اللي بحالو زلّ

على الحلوة والمرّة

كرامة عين اللي حبّن ضلّ

حدّن حتّى عالجمرة

وبيحكوك بقلّة أصل

بقولو عن صوفتك حمرا

بتحكي بالعشرة وبتشوف

نصّ العالم وفيّة

بيحكولك عن أفعالن

بتقول ميّة ميّة

جرّب قرّب عالمكشوف

لتفهم هالخبريّة

بتطلع إنت من جوّاتن

بيطلعو هنّي الضحيّة