في ساعتي كل الدقايق عنيدة

في ساعتي ما به دقايق ولا احساس

يللي قتلتي الحب في يوم عيده

وشلون ابطفي شمعتي وما به انفاس

اهديت لي جرح نزف لك وريده

جرح نزف لك والمعاليق يباس

قديم وقتي يشتكي من جديده

وبناظري باب الامل رده الياس

اسري لدارك لو ديارك بعيدة

وانشد دليلك لي طغى الليل هوجاس

امسح بعض دمعي وجرحك يزيده

واصد لا يلمحك في عيني الناس

لي زان وقتي صار وقتك ضديده

جرحي غدا درب مشى بي للاتعاس

فيوم ميلادي نزفتك قصيدة

كتبتها بدمعي وانا رافع الراس