تفضل زيد في جرحي .. عذرتك بالغلا معذور
فداك الجرح والدمعه .. يا اول واخر احبابي
تخونك عينك وقلبك .. ولا مني يجيك قصور
يخونك ناسك وربعك .. ولا صكيت لك بابي
عرفتك ضحكتة سنيني .. حبيبي ما عشقتك زور
عشقتك ريحة بلادي .. عشقتك شوق بغيابي
ولو كلي الم ينزف .. بأظهر لك فرح وسرور
ولا بأرضي ولو مره .. يصيبك جرح بأسبابي
حبيبي وش نفع شعري .. إذا حبي خلق مقهور
لك الله ما تمنيتك .. تصير جروح بكتابي
عساك بخير يا عمري .. وعلى كل الهجر مشكور
إيلا مني ذكرتك .. طغت بي ثورة عتابي
حبيبي حزني الدامي .. فضحني بالعيون يثور
حزين العين من نظره ..عيون الناس يرتابِ
