تلوح بروق من عينك أبد نظرات ما ترحم
تودي للسما والآفاق فالأطباق سابعها
معاك أسرح عن الدنيا
ودونك ما قدرت اسلم
أمني النفس في قربك
و في شوفك أسانعها
مِعاكَ أَسْرَح عَن الدُنْيا
وَدَوَّنَكِ ما قَدَرتَ أُسَلِّم
أَمْنِي النَفَس فِيَّ قُرْبَكِ
وَ فِيَّ شَوَّفَكَ أسانعها
و صوتك لا سرى فيني
كل ما دونه يستسلم
صغيت أسمع لأخبارك
علومك بس أتابعها
و حبك لي تملكني
يداهيني به الأغشم
و عيني لازقرت بالشوق
حذرك لا تواجعها
لأنك صعب ما تنطال
عيون الناس بك تحلم
وانت نجمة عيون الاشراف
تتمنى تطالعها
غلاك اللي مغزر له
في قلبي مول لا تهتم
تعيي هروجهم ماتيك
ولا يتبعك شايعها
في شوفك تبتهج عيني
وطابت يوم تتبسم
لأن بك بسمة ماقول
غير سبحان بادعها
تغار الشمس من تضوي
يا كم تشره وكم تظلم
و كم الناس من الغيرة
تسيل لك مدامعها
أعرفك قلب ما يخلى
من الحب لا ولا يجدم
حشى والله قلوب الغير
عقبك ما أرابعها
عسى منك ما خلَت روحي
عساني ماخلا واعدم
وعساني مانحرم يا لين
ياخذ النفس رافعها
انت لي تسبق المعروف
وتكرم قلبي و تحشم
روحي في غلا حبك
على قمة روايِعها
أحبك قلتها عن حب أحبك لا ولا اندم
و أحب محبتك لأنك لروحي كل مطامعها
