لما اجى اغلط فيهم، الاقى على طول عندهم حق
لما ييجوا يغلطونى، يطلع عندى انا الحق
لما بروح مشوار بعيد، بلاقى الحاجه جنب البيت
مش شرط لما اتصل.....على طول يجيلى الرد
الحبسه جوه الكون، سجون جوا سجون
مفتاحها وسط الدوشة، جواك يملاه السكون
(مرتين)
على طول يطلع عينى، وانا مقضيها رزع وهبد
ولما اتعب وتقع ايدى، تطلع الحاجه بأعجب شكل
يمكن لحظة العجب دية يمكن هى تكون القصد
ولما احفظ ازاى اجيبها، تيجى صورة ويروح الاصل
الحبسه جوه الكون، سجون جوا سجون
مفتاحها وسط الدوشة، جواك يملاه السكون
(مرتين)
بتشدنى ناس وتدفعنى، ولا انا اللى برمى نفسى
طلعت قلبى برايا، ومكانه جوايا فى صدرى
بحاول امسك هوا بإيدى، عمال اجرى ورا ضلى
لحد ما افوق على وجودك، وصوت نَفَسى يطمنى
الحبسه جوه الكون، سجون جوا سجون
مفتاحها وسط الدوشة، جواك يملاه السكون
(مرتين)
فك دروعك وارميها، تلقى نفسك خف الريشة
طبطب على نفسك والخلق، بص فى جروحك وداويها
(مرتين)
بص فى جروحك وداويها
الحبسه جوه الكون، سجون جوا سجون
مفتاحها وسط الدوشة، جواك يملاه السكون
(مرتين)
