كل يوم لما بنام طيف بيمرؤ بالمنام
بوعى من عالم غريب و عم اصرخ فزعانة
محتارة من الناس محتارة و تعبانة
ضيعنا الإحساس ضيعنا الأمانة
ما عاد عنا وفا و انسينا لحظات الدفى
ما منعرف غير الجفى و قلوبنا حيرانة
كانت الماما بتحكيلي كيف كانوا الناس
عن الماضي بترويلي حكايات الإخلاص
حياتنا كانت ألوان حب و امل فرح أمان
غمرتنا اليوم الأحزان من أفعال الناس
رح يجي يوم و رح أنسى اني كنت صغيرة
كل الناس تنسى لحظات الجفى الكتيرة
بدي أرسم لون القلب بدي أعزف لحن الحب
هيدي أمنيتي يا ربي لما صير كبيرة
