مش ذنبي يابن الباشا انك ابن ناس مرتاحه

مختارتش فقري ب?يدي ولا حتى قطمت التفاحه

اتولدت لقيتني كدا اتولدت لقيتني هنا

اتولدت بيه ابن باشا اتولدت بترضع غنى

بدوق المر والشقى لأجل تمن لقمه و سكن

اكبر حلم اكفي نفسي ، ف نسيت الشغف والشجن

طبقة تحت الصفر بالنسبه لكوا مجرد مكن

قلوبنا بيضه صافيه بس الهم ساب فيها دكن

عاوزين نبقى مستورين مش فارقه شكل وهدمه

بنرضي بالقليل نقول بيبارك فضل ونعمه

فوق دماغنا كتير بتهيل و نقول نصيب وقسمه

كله واخد 24 قيراط اكيد له حكمه !

مفيش مابينا فرق خالص غير بس نقطه

شعبه المختار واحنا المحتار مفيش ف ايدينا سلطه

الفلوس مش كل بس عامله زي البورده

كل كورونا برا مهما اتدربنا أو مهما شوطنا

_____________________________

بنرضي بألمقسوم ونقول قضاء وقدر

بعد غيوم القلوب اكيد هيكون في مطر

كام مره داقت بس راقت ربك ستر

كام مره اتأزمت وبكيت و قلبك انفطر

_____________________________

مكملناش علام بس الدنيا ادتنا دروس

شققت ادينا بكتر الشغل شغالين تروس

فتى مدلل ومتدلع بس بفلوسك تدوس

علي اللي زيي واللي زيه ، متتساواش الروس

فاكر نفسك شىء عشان فلوس سابهالك بابا

خرجوك م الجيش بواسطه ابن الغلبان يخدم ف طابا

حياتك من غير طعم وريحه حياتنا أشبه بالعطاره

نايم ع الكنبه اللي ورا طول ليلنا علي الطاره

منشكتكيش ، مننحنيش مهما ضاقت منجليش

صبرنا صبر ايووب ،سعادتنا مركونه ف النيش

الدنيا في ايدك زي طاوله ترمي الزهره شيش بيش

تأتي الرياح بما لا نشتهي مبنقفلش باب ولا شيش

اتعلمنا الأصول اتعلمنا اذاي نصون

مش باقيين علي الدنيا دي زي طير عشه ف غصون

في جبال بننحت سهل علينا ف الحديد نفوت

متكتفين بلجام الفقر بالرغم أننا قادرين نكون

_____________________________

بنرضي بألمقسوم ونقول قضاء وقدر

بعد غيوم القلوب اكيد هيكون في مطر

كام مره داقت بس راقت ربك ستر

كام مره اتأزمت وبكيت و قلبك انفطر