اقولك ايه واعيد لك ايه مفيش كلام يكفي
لو برد الحمل زاد حضنك كافي أنه يدفي
انا باد بوي لكني مخلص ليكي و بوفي
شخصيه تقيله تلمه و جبتيني علي جدور رقبتي
تعالي نخطف حلو الدنيا دي و نسيب المر
لو ايدي في ايدك مترخيش كل شىء يمر
ما اقبلش اني اسيبك دا في العشق اسمه ظلم
بس استحمليني لو كسرت ضلوعك لما أضم
يا بنت قلبي مافي في قلبي غيرك ملكيش زي
بصيص الامل اللي في حياتي اللي مخليني حي
قلبي استوي بعد عشرين سنه قبلك ، قلبي ني
كنت تايه جوا العتمه قمر نورتيلي ضي
مكانش ليا في جو المحن بقيت البيه الرومانسي
برغم زحمة راسي منساكيش لو انسى نفسي
انت احتلال خارجي جاي يحتل قلبي ويغزي
انت وطن بموت فيكي شهيد كاني المنسي
بسرح في السما ف بشوف عنيكي
بنسى العالم وانا بين ايديكي
ببقى عليكي بس ما ابقى عليكي
انت سكوني وأماني حضنك دا بيتي
سيبك من اللي باعوا نسخه واحده مايستهلوشي
لو حد بص ليكي حرب تقوم متجيش تحوشي
أعلنتي حربك علي حواسي ، استسلمت جيوشي
راهب في محراب حبك ، دونه مافيا زي جاروشي
دا لو الهم تلج موسكو بلاقي ف عنيكي الدفا
من لحظه ما عشقت قلبك قلبي لا ارتاح ولا غفا
خدتي مني روحي فيكي دخلتي قلبي عليكي قفل
من جزيرة الوحدة لارض العشق قلبي اتنفى
مش بنطق كلام الحب لكن في الحقيقة اناا
التايه في بعادك عني الثانيه ب 100 سنه
انا المريض بالعشق فيكي بس شفايفك فيها الدوا
قلبي كان متحجر لان لك ، كالحديد أما بيتنى
لايك بيوتي اند زا بيست زي القلب والنبض
زي الملك والتاج وجودنا في حياة بعض فرض
في غضبي معاكي نار ابراهيم ع العادي ببقي برد
بس معاهم غضبي لهب م الجحيم غضبي رعد
بسرح في السما ف بشوف عنيكي
بنسى العالم وانا بين ايديكي
ببقى عليكي بس ما ابقى عليكي
انت سكوني وأماني حضنك دا بيتي
