فيه لعبه اسمها الصراحه
يعني الحقيقه كدبه
كلو فالنفاق ايجابي المسحه
عالم مستشفي
ملئ بالمرضي
احلامك دي في احلامك وقبل ما تنام اتغطا
عشان جو الواقع سقعه
صحيت من نومي بس قبل ما اصحا
شوفت الكل بيحبني
بس في الحلم كنت غني
مش ثري
لكن سقف طموحي علي
فلوسي لا تبنيني لا تهدني
ابن اصول هتلاقيني لما ترنلي
الناس معادن ومعدني نقي
اسمع مني مش عني
مهما بوصل مش بتغير شخص سوي
متغلطيش معايا وتقوليلي sorry
الضرب عالروس
والحب عالطواقي
هفضل رافع راسي لو كل الناس تطاطي
كانت اجمل قصة حب وكان فعل ماضي
سهرنا يا قمر بس طلعت قمر صناعي
مجتش غير علي نفسي وعماله اجي
شطبت خلاص دماغي
الناس دي عايزاني ادادي
مبكرهش قد اوقات فراغي
خليلنا الراب بتاعنا وخليلكو الاغاني
صوتك حلو متركزش علي ارقامي
انا فقير لكن راضي
علي النت
كلو بيلت
شركس لافين دايرين حواليه عالانترنت
عمري ما خيبت
عمري ما بعت
بس توقعاتي خيبت
لما اديتكو الامان واطمنت
كلت معاكو عيش وملح اتسممت
كوتشي الابيض انضف من ناس كتير
غيابك عندي زي وجودك
ملوش تأثير
عملت خير
ملقتش غير
تأنيب ضمير
قلبي دا نساي عظيم
زي دار المسنين
عارف اني هندم لكن بعدين
الناس دي نوعين
ابعد عن الاتنين
معتصم شركس فالراب عباره عن حاجه متكامله
صعبه موت عمرها ما كانت سهله
لو فيه مني اتنين تحصل قفله
بالع شريط راديو برصلك التراك في ثانيه
كلها عليا شاهده
اعرف كتير خسرتو عشان نص كلمة قالها
لساني بينقط حاجه جامده
وانت تقول دي حاجه تافهه
دماغك مبتنضفش عشان جزمه
قناتك صحرا هنا زحمه
مسقط رأسي هواره تحيه لابناء القرية
تعالي وسطينا عشان تعرف القصة كامله
لندن باريس هواره سيتي
ابنك يا بلادي علي التلي
اجمد رابر ع المحيط الهادي
اه في بالك لكن مش معاكي
مسمعتش تملي معاك اسمعيلي تملي معاكي
خبيثة وانا علي نياتي
اختياري ليكي كان اوبشن عشوائي
بتقولي لو مش هتنجح عشانك ياريت علشاني
مشيت شكلها راحت تنصح واحد تاني
حسيتك رسمه متبروزه قدامي
تخيل اتعب ف تلوينها
وتتسكب حته حبر تبوظ كل اعمالي
بتمنا يومي يعدي وناسي انها ايامي
فاللي راح حاجه
واللي جاي حاجه
نفس الجاكيت بتاعي لكن مش نفس القماشه
لو الحاجتين نفس الحاجه، يبقا حاجه منهم ملهاش عازه
خواجه
بتجولي وقت الحاجه
بشيلك جميل عشان تقولي يا باشا
اسببلك ازمة نفسيه متحلهاش مستشفي ولا عياده
فمش مهم اشتغل في الاوبرا او في توكتوك
خمس نجوم دماغي فندق
مجرد فكره فبتحبك لما بتحبك
زحمة تفكير لو كتبتها قصه تخنق
