أعرضي ياشيخة الشعر باللحن الطروب
بعد مالله اظهر الحق بدعاً مستجاب
وانزعي ثوب الحزن وألبسي للسعد ثوب
وأنتقي من ندر القاف مالذ وطاب
والبنادم دنيته ماهي بدايم رحوب
والولي لن صك بابً فتح مليون باب
والحضور أحيان ماينكشف منه محجوب
كم حاجه خافيه تنكشف عند الغياب
وتنتعش من لونها يشبه للون السحاب
وياقعيد ماحصل درس والدنيا دروب
والبنادم بالخطا يعرف دروب الصواب
وأبشر ان اللي دعى لك يبومحمد شعوب
وبدعاهم خالق الكون ذللك صعاب
وأبشر أنك ياقعيد مع الناس محبوب
كل من يعرفك قدرك من شيب وشباب
تذكر اللي جاك شايب من الهم مغلوب
وقلت له تحت امرك حسابي وراع الحساب
وكم موقف غير هذا في تفريج الكروب
أنت تقطف ثمرة البذل ياسمح الجناب
ولا غرابة وأنت ذخر الوفي راع الوجوب
خالي محمد فالاقراب مكرم ومحسوب
وخالي محمد فالاجناب محشوم ومهاب
جعل يبقى حي راسً عن الباقي ينوب
وجعل ماعقب عوض الله مايلحقه العذاب
