هل فيه طريقة للرجوع للحياة ؟
بعد الحقيقة وبعد اللي شوفناه
بعد انعدام الانسانية والرجوع للجاهلية والمشاهد المأساوية وكل اللي عيشناه
هل فية طريقة نبتسم ونعيش
والناس هناك يومهم ميعديش
مع اننا نفس القضية وكلنا نفس الضحية الفرق بينا خطوتين يعني المسافة ، مفيش
بعد استماع صوت الاهات ع التليفونات
رؤيا الوشوش المقهورين جوه الشاشات
بعد ما عرفنا ألام وعيونا بطلت تنام وحضرنا قَتل الأُمنيات
وشوفنا ناس بِقلوب حَجر
عُمي النَظر
إخترعوا أسباب للسكات
ميهمهومش لا صوت صريخ ولا صوت عِياط
ويهمهم صوت ضحكهم ، وقت الحداد
هل فيه طريقة للرجوع للحياة
بعد سمع بُكا البنات ع الأمهات
وجع الأم وحزنها خوفها وكسرة قلبها قلة حيلتها وضعفها واملها تحصل معجزات
هل فية طريقة نبتسم ونعيش
والناس هناك يومهم ميعديش
مع اننا نفس القضية وكلنا نفس الضحية والفرق بينا خطوتين يعني المسافة مفيش
بس احنا برضه مؤمنين بالله
مين يهزم اللي ربه واقف معاه
هنشوف على وشوشهم ف يوم نفس الألم نفس الوجع والكسرة والخوف والهموم
والفرق بينا اننا مِسلمين ل ربنا ووعده لينا اننا هنقوووم
والفرق بينا اننا مِسلمين ل ربنا ووعده لينا اننا هنقوووم
هل فيه طريقة للرجوع للحياة ؟
بعد الحقيقة وبعد اللي شوفناه
بعد انعدام الانسانية والرجوع للجاهلية والمشاهد المأساوية وكل اللي عيشناه
