هو الجمال عزفة؟
ولا الكمانجا خيال
هو المحال رحلة
ولا الطريق بطال
هو انت ليه ساكت
ولا الهدوء دا دين
وعليك بتسديده
واتاري العمر بيجري
وانت باردو بتجري
يا صاحبي
تجري من حكاية
لاجل خوفك من نهاية
يوم ما سميتها بداية
وانا عمري كام
عشان يدخل عقلي
في حالة زحام
هي الذكريات من سن كام
يعني امتى اكون انا مش تمام
خلي اللي قالو ان البكا بالعين
يجو يشوفو العطل جاي منين
يجو يقولو ازاي اكمل
وانا كلي مدشمل
فرط الحنين x²
....... على شخص غاب
هو سببلك عذاب
بطل تكون كداب
عمال تكابر ليه
هو اللي غاب بيعيش حياة
انت اللي واقف مطرحك
سايب الحياة بتطوحك
واليوم يجر ايام
حتى النظر قدام
بطلت تجربه
ياللي اكتئابك خام
ارجوك بقا بطله
ارجع لنفسك شوف
أن الحياة ما وقفتش
ولسة فيها فصول متحكتش
نرجع
زي أما كنا زمان
نصنع خيال وامان
نكتب ندون
نتجنب الخذلان
فنكون كما روحنا
بص ... الامل ما مشيش
انت اللي رافض تعيش
هو اختبار وسقط
وفي م الاختبار أكوام
بس انت خد خطوة
وياريت على قدام
جيه الوقت تقف وتقوم
تنفض غبار وغيوم
والشمس جايبة النور
الحزن يبقا البور
وأنت الشباب جواك
ولا حاجة تتحداك
كمل عشان لسة
لسة الامل لستة
محتاجة بصة كمان
خد يالا خطوة x²
الدنيا لسة امان
