مش عايزك بس في نفس الوقت انا عايزك
قربك ليا بيدمرني
الاحسن اني مكونش شايفك
الاحسن اني عنك ابعد
لازم عني ابقي مانعك
بس والله غصب عني
اعمل نفسي اني مش سامعك
صوتك جوا ودني
بيموتني
كل كلمه افتكرها بتقتلني
حاسس اني خشب محتاج اللي يحسسني
اني لسه كويس و من غير ما يبدلني
تصرفاتك بقت بتقهرني
تصرافتك بتجنني
مش عايز احس انا بحاجه
و انا عايز اقتلني
ماشي و عارف مش مقصر
و انتي بنفسك قولتي اصلا
عملت كل اللي عليا
و عارفه انك تعمل اكتر
قالتلي ليه بتعذب نفسك
انا مش عايزه استغلك
قالتلي المشكله
انك بتحبني اكتر منا بحبك
جت في قلبي زي رصاص
عيني بقت في ضباب
مش قادر اشوفك غير حبيبتي
مش هينفع نبقي صحاب
مطلعتيش بتحبيني
زي ما كنتي فاكره
بكتب عشان انسي
مفيش وقت عشان اندم
متمشيش و تسبيني
مفيش وقت انده
مفيش وقت الحق
مفيش وحش افتكره عشان ازعل
عملت كل حاجه و مندمتش انتي كده كده كنتي تستحقي كل اللي عملته
بس اسف لو مكلمتش
مش قادر اشوفك مع حد تاني بتحلي في مشاكله
انتي فكراني مبحسش
عايزاني جمبك
و انا بتالم
انا عايز امشي و مش قادر اتكلم
بجد دي
اكتر مره الدنيا فيها تعلم
مش عايز افتكرك ولا انساكي
بوجه رسالتي ليكي في الاغاني
احفظي عشاني كل كلمه في كلامي
عشان دي اخر مره هكلمك فيها تاني
مش عايزك تثقي في اي حد
متديش كل حاجه لاي حد
خلي بالك من نفسك
مفيش حد كويس فيهم بجد
كل شارع امشي في بفتكرك
بحس ان بعد كل خطوه اخودها الارض بتتكسر
القرار قرارك بس مكانش سهل و انتي عارفه ده
قد ايه عليا ماثر
بس مش لاقي السبب
انا مش عارف افسر
اتغيرتي بعد سنه من غير سبب اصلا
كلوا لما عرف اتخض و استغرب
محدش اتوقع
و قالولي دي اخر حاجه فيها تهزر
مش عارف ليه انتي مقولتيش من بدري
انا مش عايز احاسبك ولا عايز اعاتبك
انا مش عارف هبقي كويس امتي
مش عايز اشوفك انا في حته
و مع نفسي هتحسن
مشاعري جفت
و طاقتي خلصت
هشكر فيكي لو جت سيرتك
بتمنالك كل خير من قلبي بجد
و هفضل اشكر فيكي لو جت سيرتك
