صعبت عليا نفسي كان غريب اكون بحالات
معرفتش اهاجر قلبك طبعي يغلب طبعي اكون عواد
مراكبي وقفت بعدك بعد ماكنت اطوف بلاد
ميشبهوكيش ازاي برغم كل دول بنات
كل دول خانات ايدي بردت ورده دبلت
معلمش بعتي ازاي متعودتش ايدك تفلت
كله فرط مع ان انا حضني كان عمران
معرفتش اسامح هجرك بعدك عندي ملوش غفران
وقفت و سقفتلك يا شاطره قلبك جمد
اخر الطريق ده مفرق ياما انساكي ياما اقتلك
او ابدلك .. خف زعلك قلبك هلك
ف دخلت شتا كنت بدفي نفسي بصورك وقت ما كنت تتحرق
و انا كنت اكتبها عقلي سابها و قلبي كان ماسكها
مليت كاسات حنيه و هي بكل برود دقلتها
عندي مشاعر بتطاردني حاولت كتير اقتلها
الكافه مايله ف صف البعد حاولت كتير اعدلها
لكن معرفتش قلبي خاني و راح ف طريقها
مليت حطاني كتابه كتبت عليها خليني ذكري
و لو سكت عيني تحكي يجي 100 موال
كان عندي حلم زمان اقربلي من الخيال
....
خليني زكري عاوزك تكره اي حاجه بينا
ديما بالخير افتكرك كنت انا و انت الحزن كان تالتنا
و ع فكره بكره نفسي كل ما تيجي سيرتك
كلمتين ف سرك انا زعلت سيبتك
....
ده مش عتاب اولا ، مش جاي اقول انك غلطان
مش جاي اقول اني اتخدت فيك ، وان انا الخسران
مش جاي اقول بعدت ليه ومشيت مش جاي غيران
مش جاي اقول بسببك بقيت بشرب زفت وقطران
يغور ف داهيه ان عاد ، الذكريات دي ازعاج
وقلبي اللي مبهدلني دوت غور ياعم وخده معاك
مبقاش فارق معايا مفيش حاجه دماغي
بقالي تلت سنين وتلت شهور ويومين مجاش علي بالي
مررت حبه ، طعمها مسخ شوية
روحت وسيبتني ف نفس الوقت جيت عليا
سيبتني بغرق فيه شلال دموع ف عينيا
الحدوته خلاص ف اخرها والنهايه جايه جايه
شبعنا جروح تعرف تعد ، الضربات زادت ، كله ف بيته
انت الي قدرت تهد فلحظه غمضه عين كل اللي بنيته
العمر ولا انا جريته ؟ قلبي معاك ولا انت رميته
انا مش وحش لا لما احتاج اديته
الزعل جالي بدري من حيث لا ادري
كلامها رصاص بيرن ودني وبيطاردني ولسه انا يجري
كانت بتحكي ف قصص وتقول ف روايات
جمعت كل كلامها ده ورميته ف صندوق ذكريات
....
خليني زكري عاوزك تكره اي حاجه بينا
ديما بالخير افتكرك كنت انا و انت الحزن كان تالتنا
و ع فكره بكره نفسي كل ما تيجي سيرتك
كلمتين ف سرك انا زعلت سيبتك
....
و ف الاساس كل دول خيلات من وحي عقلي
ملعونه الزكرياتك خلتني بخسر نفسي
واحرق دمي .. و ازيد كلام و كتابه
صراع و دار جوايا عقلي ملك و ايدي كتابه
هقولك كلمتين بصراحه ، عيشتي معادش راحه
بخبي مهما بخبي يبان ، برضوا العينين فضاحه
مكنتش عايز بس بعدت واتاكدت ان انتي غلط
كل مره نطقتي فيها باسمي انتي كان ليكي غرض
ع عيني البعد سوادي ف عشتي ف عينك كحل
شوفتي مني طيبة قلب و خلتيني كرهت الحب
و كل واحد راح ف سكه مجمعناش معاد
جمعنا نفس الشيء ف الاخر زي زيك زكريات
زدتني برود ، انت اتخطيت كل الحدود
لغيت كل اتفاقتنا لغيت كل البنود
استكذيت نشنت قلبي وجيبته بين كل الجنود
شطبت عالوعود ، وحرقتلي كل الكروت
انا مين ف الدنيا دي حبك قدي يا دنيا اتهدي و هودي
مفهمتش حالك حابه كونك وجعي قلبي
غريب انت بتعمل وتسوي فهيئة ميت تعبان متلوي
كلامها كان صواريخ بتدمر صوتها كانلي قصف جوي
....
خليني زكري عاوزك تكره اي حاجه بينا
ديما بالخير افتكرك كنت انا و انت الحزن كان تالتنا
و ع فكره بكره نفسي كل ما تيجي سيرتك
كلمتين ف سرك انا زعلت سيبتك
....
