كانت صعبة في البداية، والكلام طلع بصعوبة
إمسك دموعك، بلاش عينيك تخونك
والدنيا مش أمك، مش هتضمك ولا هتكونلك دفا
مش هتحضن ولا هتطبطب، هتدغدغك
حلمت زي البشر وإتعلقت بحبل دايب
وكله فارق، كـن كان مكتوبلي حارب
حسيت بوجع بس المرة دي كان شديد
لا مني عرف أمسك ولا حتى عارف إني أسيب
طب يا نصيب..مش ناوي تجيبها لبر معايا
عاجبك حالي ولا عجبك صوت غنايا
كان ممكن تاخد أي حد ما عدا هي
ما هي بنتي بردو ماحبهاش تكون مأذية
يا إمبارح، خدت مني ومش مسامح
زي ما خدت أغلى الحبايب ، خلاص معادش فارق
وفارق زي اللي فارق قبلك
كان عندك يعني مكانش صح أتعلق
ومخترناش نكون بعيد بس النصيب جبرنا
سيب الكلام للروح محدش فهمك برة
لو كان الهوى غلّاب لـ كنت رجعت أقابلك
والكل علم فيك ومش محدش حلك
وفـ عز البرد ولعت سجارة وقولت أفكر
ولومت نفسي ع اللي بيحصل غصب عني مكنتش أعرف
بصيت ع الحلو، لقيته ميتذكرش
إدعيلي أرجع أقوى تاني ومنتحرش
تملي كل الضحك زي القهوة بيخلص
ويا ريت الحب يبقا زي الحزن بيفضل
يا رب أنا ضاقت بيا
وصح زي ما قالوا باين اللي في إيدي مكانش ليا
سلبوا مني كل شيء حبيته واتكتفت
خدوا مني كل أحبابي غصب عني واتلجمت
وما اتكلمت وكتمت أحزاني جوا قلبي ومتهزتش
يا دنيا دوسي عليا كمان وكمان وعاندي
ولعلمك وحيد لكني أنا أقوى منك
رميتي عليا هموم مش سني وشيلت حملك
بقا جوا من خراب خليك شاهد يا رب
كان جوا مني ورود, عادوني وحرقوا الأرض
ومخترناش نكون بعيد بس النصيب جبرنا
سيب الكلام للروح محدش فهمك برة
لو كان الهوى غلّاب لـ كنت رجعت أقابلك
والكل علم فيك ومش محدش حلك
