عارف انت اوقات بتكون مخنوق و صعب و تبوح
معادش عندك طاقه لحاجه و اللي يروح يروح
مش فارقه معاك كتير سواء وحيد او جمبك مين
السهره زي امبارح و اللي معاك ماشيين
محدش عالم باللي داير جوا فيك
بين مشاكل انت تايه دنيا تجيبك و توديك
و حل يلا حتي لو جواك مقتول
و اخر كل الليل تفكير كتير و مفيش حلول
و يلا نسهر عيد المشهد من جديد
طب عارف انت اخر مره خرجت امتي ولا نسيت
تفاصيل مزعجه وصلت بيك لكدا بقيت بتنسي نفسك
كانت صعبه حبه تعيش براحتك بين مشاكلك
و كل يوم بتصحي تنزل تقنع نفسك انه حل
و تهلك حالك ف حوارات و ترجع وش الفجر
تحط راسك ع المخده و نفس الصوت يحاسبك
اسواء حرب لما تكون بتحارب نفسك
انا جبت اخري ليالتي تزيد مشاكلي
قولت اجرب جايز شيء بتغير لو لمره هحكي
من طبعي بكتم مش بتكلم بس بضحك عادي
مخنوق ف بكتب مش تمام و بكدب ف الرسايل
لما كله يدوس عليك يبقي المهرب فينه
حبه صحاب و حبه ضغوط و ظروف و غيره و غيره
ف بتنهار لفتره و ترجع تقوي زمن
عشان مجبر تكمل لسه فوق كتافك هم بتقل جبل
انا شخص تملي صعب ابوح بمشاعري لحد
يعني ابان من بره شيء و اوقات بيكون جوا مني العكس
و اوقات بتشتت و ابقي تايه مش فاهمني
و كنت عارف انه صعب الاقي حد يستحملني
ف كان طبيعي لما الاقي العزله ملجيء
اعيد حسباتي واحده واحده و بعد حبه ههدي هرجع
ف كان لازمني ابطل كل شيء بياخد مني
زي دماغي و السجاير زي حاجات كتير اذتني
و كان اعجاز لما يكون مكسور بيصلح
لما يكون حزين بيفرح كان كويس لكنه مكانش الاصلح
برغم اني بحب انعزل لما اكون مضغوط
كنتي انتي اكتر حد احتاجته يكون موجود
