معادش يهز مشاعري شوق سلامة الشوف
انا ميت جوا مني ورد اتبقي ف قلبي شوك
و بس
محدش حس لما بكيت انا كتفي متلمسش
محتاج لحد يطيب جرح وجعه مبيتقاسش
و الكافه بيكي تقلت لسه ايدي رافضه تفلت
لسه زي ما انتي ف قلبي بس ف عيني بنتي كبرت
باقي فيا مشاعر حيه متقتلتش
انا كم شوقي يساوي كم رسايل متبعتتش
و منتهتش لسه ف ايدي اقلام بتكتب فيك و فيا
و صوتي بنسبالك زي علاج لحالات نفسيه
حاولت اكون بخير و اقول تمام بضحكه
و كل ضحكه تخبي ضحكه انا بخير ازيك انت
خليك معايا و قول الحزن يفارق رمش عينهم
ياللي عشقتك كنت انا منك و انت منهم
طب يرضي مين كل الندوب دي ف قلبي من كلامكوا
طب يرضي مين اعيش اطيب فيكوا و اموت عشانكوا
بختي كان قليل حياتي كانت متعبه
و اللي مني قربه اذاني زي ما تقول الدنيا حبي كدا
و الزكري ف بالي متيتمه صعب افوتك وحدك
كلامك ليا كان رصاص و ارتاح ف لقلبي
معندتش احس بالامان ف قرب حد
مبقتش سيف بتاع زمان بعد ما اتسلبت
كل مشاعري مبقاش ف شيء يوجعني
و ليه اعيش ف صراع نسيان و اكتب كلام بيحكي عني
كان نفسي اتحب بس نص حبي ليها
ظني خاب و اتقال نصيب و كان الريح عكس السفينه
و فضلت اعافر كنت عارف اني بزيد ف جرحي
و زي ما تقول لما تحب بتبقي معمي
و انا حضن مين هيسعني شلت حزني لنفسي
و عن قريب كتماني لحزني هيبقي ممزع قلبي
من الزعل عيني كانت بترف كنت بسمع صوتها اخف
بلعت الحزن صرف همي جمبي كتف ف كتف
يا ضي العين لما مشيت انا اتعميت
ملكش تبوح بشيء لغير الحيط سواء ان شئت ام ابيت
انت لوحدك .. بعتذرلك لو جرحتك
و استكرت عليا انام ياليل سهرت عيوني و مش مسامحك
بختي كان قليل حياتي كانت متعبه
و اللي مني قربه اذاني زي ما تقول الدنيا حبي كدا
و الزكري ف بالي متيتمه صعب افوتك وحدك
كلامك ليا كان رصاص و ارتاح ف لقلبي
