كل يوم نص الليل، يروح مني الحيل

اذكر احبابي المشو، وابخدي دمعي يسيل

اعزازي والغوالي، تركوني اني الحالي

ياربي دمعي الغالي، ابخدي يمطر حيل

طريقي ما اندله، والراس ضيع عقله

فرگاهم المصيبه، شوفني اني الويل

كل يوم نص الليل، يروح مني الحيل

اذكر احبابي المشو، وابخدي دمعي يسيل

مشتعله بيه النار، ما ادري بيه اشصار

من الفرگه يحبابي صحت: ياربي ياستار

الدنيا صارت خنگه، مو وكت هاي الفرگه

والحزن فاتح حلگه، مچويني اني بنار

بتنعش باليل اني، يدگ الحزن بيباني

واظل گاعد للصبح، والدمعه تتلگاني

كل يوم نص الليل، يروح مني الحيل

اذكر احبابي المشو، وابخدي دمعي يسيل

رجعولي يمعودين، ماظل دمع بالعين

چنه احنه ابد مانفترگ، شو هسه مفترگين!

مابيه احمل ونه، ماشفت حزني منه

يمكم عفتها الجنه، رجعولي يل غالين

مانام گمت بليلي، من رحتو فاگد حيلي

حتى الحزن يبچيلي، حالي ابد مو زين

كل يوم نص الليل، يروح مني الحيل

اذكر احبابي المشو، وابخدي دمعي يسيل