الذيد يا دار الحبايب
اللي لقاهم عنديه عيد
واللي بها لفواد طايب
ما دام فيها سيد الغيد
وين النسيم يهب ذايب
فيه العطر مطبوع ع الجيد
تزهو مفاليها بعجايب
يا سعده اللي ساكن الذيد
عمًارها قروم ٍ نجايب
. اهل الكرامهْ الاياويد
اهل النضا وصفر الركايب
واهل الرمك مع يارح الصيد
فيهم بني عم وقرايب
يااخوان شما يا الصناديد
ما نالهم وطر الغرايب
وِرد السنع هم له مواريد
وفيها ثليل العين صايب
لبي ومني ناهب سعيد
عيني وروحي به رغايب
نبضي بحرفه دايم يشيد
يعل الفلا ودق السحايب
يا لين غصنٍ وارف يميد
ومخايل ٍ يسقي الهضايب
يروي الحيا ويفيض ويزيد
