في الاخر طلعت زي غيرها طلع حلم ولا حاجة
كل ما بدخل قصة بتنتهي و بسذاجة
احكي الحكاية..ولا اجيبهالكم من اللي فات
اوقات بنعيشها تصبح في لحظة ذكريات
سيبيني اعيش مش عايز اشوفك ولا احسك
خلاص مش طايق افتكر ولا عايز اسمع سيرتك
خليكي في حيرتك سيبتيني ولا سبتك
كنت فاكرك مختلفة كنت مخدوع في طيبتك
لما النظرة بتتغير اوام الحب بيتأثر
زي موج البحر و هو علي الشط بيتكسر
اسباب كتير و مشاكل اكتر مفيش حاجة بتتفسر
و مهما روحت و جيت مفيش حاجة بتتغير
تتحسر علي وقت كتير ضاع مش اكتر
ترجع تعيد حسابتك محتاج تفهم و تفكر
تشوف خسرت ايه تقعد تحسب و تقدر
و يفوت بيك الزمان و مع الوقت تتغير
يالي ماشية خدي قلبك خدي عمرك خدي حبك و سيبيه يعيش
( مش هقولك متسبينيش...طعم الغدر ميتنسيش )
يالي فاكرة انك قادرة تفضلي في باله متتنسيش سيبيه يعيش
( أيوة فراقك متقلنيش...لازم يوم أنساكي و أعيش )
كل يوم بشوف ناس بتسيب بعض و لما
الكره يجي الحب بيتوه في وسط الزحمة
حاجات بتضيع مالقلب و الروح لفين هتروح
في لحظة الامل ينتحر و الحب يموت مدبوح
ف انا مش هفكر في نفسي و اقعد خايف
انك تبعد عن حبيبك شئ صعب انا عارف
مبقيتش شايف , غير فراق و امل زايف
و دموع في كل مكان و بسمة راحت مالشفايف
اه يا قلب , الحلم بعيد و صعب وصوله
مبقاش في نفسي اي كلام عايز اقوله
مش عايز اطوله و لا عايزه تاني يقرب مني
مبقتش نفسي أحسه دة انا عايزه يبعد عني
فانا قررت اعيش حياتي بجد و انا لوحدي
انا مش هروح لحد لو عايزني يجي لعندي
قررت قرار نهائي اني هقفل خلاص قلبي
و لما احب تاني بجد هقول و مش هخبي
يالي ماشية خدي قلبك خدي عمرك خدي حبك و سيبيه يعيش
( مش هقولك متسبينيش...طعم الغدر ميتنسيش )
يالي فاكرة انك قادرة تفضلي في باله متتنسيش سيبيه يعيش
( أيوة فراقك متقلنيش...لازم يوم أنساكي و أعيش )
بيقولو الفرحة فرصة و التفكير مبينتهيش
عشان كدة لازم ابعد و لحياتي لازم اعيش
لازم احسبها قبل ما افكر يوم احب تاني
و انا لوحدي عايش حر حياتي مش سايعاني
مش بالأماني عشان تفرح لازم تعاني
و كل ما لحظة تمر ترجع فيها تفكر تاني
تلاقي عقلك قالك فاكر فكر ففكرة تاني
مش هشتري اللي باع و راح بعيد نساني
خلاص خلصت حكايتي نسيتها مع الزمن
اوقات بنغلط بس لازم برضو ندفع تمن
هعيش حياتي لوحدي هعيشها بس بجد
مش عايز حد جنبي ولا محتاج مساعدة حد
ليه تسيبيه و كل بساطة بتبعيه
يالي بعينك يندم علشان اللي هدمتيه
انتي خلصتي عليه..انتي جيتي عليه
يالي ماشية خدي قلبك خدي عمرك خدي حبك و سيبيه يعيش
( مش هقولك متسبينيش...طعم الغدر ميتنسيش )
يالي فاكرة انك قادرة تفضلي في باله متتنسيش سيبيه يعيش
( أيوة فراقك متقلنيش...لازم يوم أنساكي و أعيش )
