صفر كبير , كان نهاية طريق طويل

و الحلم بيهرب و بيبعد قدامي ميل

و الدنيا سودا في عنيا و الهم كبير

حاولت أتفاهم أتعامل مفيش تغيير

لكل حد باعني لكل حد خاني

لكل حد ظلمني سابني وسيبتو غصب عني

أنا ماشي مش مستسلم بس أنا بايع

كانت قصة أكيد طويلة و كنت ضايع

و أنا ماشي بأبطئ سرعة و الوقت قدامي بيجري

شوفت حلمي أتخطف مني في الضلمة غصب عني

مانا ياما شربت السم بإيدي محدش وقف جنبي

صعب عليا قدري شافني و سابني لوحدي أبكي

و الدنيا تعصر فيا تقسي عليا لمين هشكي

أدوني فرصة أصرخ أطرد من قلبي همي

رخصتوا تمني جريتو بسرعة أوام هربتو مني

مش عايز فرصة تانية أنا هبيعكم غصب عني

زرار صغيرUndo إعمل دة و دة متعملش

كنت أتمني في حياتي أسمع متكلمش

قبل ما أشوف حلمي صغير مات مكبرش

أنا ماشي و غيري واقف أنا أبداً مستسلمش

مكانش بإيدي إني أختار كل إللى أنا عايزه

شايف جوايا أحلامي و كلامي حابسه

و الدنيا بتهرس و أنا بهرب من إللي حاسه

ماشي في طريقي و مهما وقعت هفضل شايفه

أنا فاكر زمان لما كنت فاكركم جنبي

و في ثانية واحدة غرزتو الخنجر جوه في قلبي

كانو في كتير حواليا و دلوقتي أنا لوحدي

مكانش ذنبي لما بعدتوا صدقوني مكانش ذنبي

مش عايز حد جنبي أشتريتوا بسرعة خانني

مش عايز أفضل مستني حد يجي يقول سامعني

أنا ماشي و بايع زمني لأرخص تمن مين قال شاري

أتاري بكل بسهولة تبيعه بس أنا مكنتش داري

مش بقول إن كل الناس وحشة و أنا انسان كامل

إحباط ماليني مخليني بجد مش قادر

بعمل حاجات أنا بكرها و القلب ياما شايل

شايل حمول الدنيا و عند حمله قال مش قادر

يا رب أنت سامعني مفيش غيرك حد شايفني

حد حاسسني لامس قلبي من نفسي يا رب أحرسني

يا رب أحميني قويني و من نفسي يا رب أنقذني

أبعد عني اللى كارهني و قرب مني إللى عايزني