كلّ الدنيا مَعايا يَ حبيبي وِنتَ مش معايا
دُنيتي مَ بتسواش يَ حبيبي لحظةْ لُقاك ولُقايا
وبقول: مع السّلامة.. يهديك لِدرب السّلامة
ياما هدعيلك أنا ياما.. ترچع لحضني وهوايا
..
ماشي وتِغنّي شادية لعين الشّمس ما تحماشي
توحشني اناديلك زيّ فايزة.. ولاقيني على حالي
..
هَكتب غنوة.. غنوة چميلة.. توصف حالي ف بُعدَك
مين دي الحلوة فْ غيبة طويلة.. ضاع دة چمالها بَعدك ؟
وَنا عندي وردة وذكرى.. وَنا بسمع وردة وذكرى
خلّيك هنا وحياتي عندك !
..
بيني وبينك.. يا حبيبي.. حُبّ وعِشرة وأحلى كلام
بيني وبينك.. صُحبة ولَمّة.. زيّ مَ بين لبنان والشام
وَنا صبحي وليلي بَعوز.. أسمع واسمع فيروز
كيفك إنتّ؟ ؟ جايبلي سلام !!
