حاولت احسبها مية مرة عشان اعرف وصلت لايه
وليه كل اللي حبتهم معملوش اللي قالوا عليه
لا لاقية جواب لاسئلتي ولا برتاح من التفكير
وديماً يغلطوا لكن انا اللي بسدد الفواتير
ميزان الدنيا ارض وجو بينزل يوم ويطلع يوم
ويا تسلم لضعفك او تحاول مرة تانية تقوم
وانا اللي حياتي خليتني اشيل اوجاع واخبيها
كأني عايشة في الدنيا يدوب ضيفة شرف فيها
بناء عن ظروف جدت مشيت مضطرة عكس السير
درس الشر علمني احس بمعنى كلمة خير
جو الارض متداري جواهر ياما مش بتبان
عشان نلمسها بإدينا لازم ينفجر بركان
مفيش جوايا غير احساس بخوف
ويبقى النور قصادي ومش بشوف
بتتغير في قلبي حاجات كتيرة
لما بيسألوني بقول ظروف
وليه انا ديما متلخبطة
قلقانة ومحبطة وقلبي حزين مخنوق
وليه كده ديما متألمة مش طايلة سلمة تاخدني لفوق
وليه انا ديما متلخبطة
قلقانة ومحبطة وقلبي حزين مخنوق
وليه كده ديما متألمة مش طايلة سلمة تاخدني لفوق
