عمري في يوم يا حبيبتي ما أخونك
هفضل جنبك بقى وهصونك
بعشق اِسمك كلك لونك
لما تبصي لي بقى بعيونك
أوعدك
راح أشيلك بقى جوة في عيني
وأجيب لك فيلا ولمبورجيني
ما إنت حياتي وكل سنيني
نظرة عينك بترازيني
أوعدك
أدفع عمري وأدفع مهر
وأتجوز على آخر الشهر
أكون لك سندك وأبقى الظهر
حبك رزق ولعب الزهر
أوعدك
يا ندامة
أنا عايزة اللمبورجيني يكون لونها أحمر فاقع
وهشيلك جوة في عيني شكلك كده جاي و واقع
أنا، أنا، أنا جاي لي كذا عريس اثنين وثلاث أربع وخميس
عايزاك تفرح كده بقى وتهيص
دي العيشة معايا هتبقى البيس
ده أنا جامدة وضد الكسر أنا عايزة في كل بلد بقى قصر
أنا متلقبة كده ملبن مصر
بيمشوا ورايا لحد العصر
أنا عايزة شالي في مارينا يكون على البحر تجيب لي سفينة
إياك تعمل لي البحر طحينة أحسن تتعلق زي الزينة
إنت يا عمهم إنت اللي فيهم كلهم
ما تحني عليّ يا ستهم
ده حضورك حارق دمهم
ما تبس يا واد بقى ما كفاية بص وبحلقة
حسيت أنا بيك ومصدقة
شهر العسل في الغردقة
أوعدك
إدي له
أوعدك
هفضل أطبطب فيكي وأدلع
حبك نار ده في قلبي مولع
داس بنزين جامد ومسرع
جسمي مكهرب قلبي مخلع
أوعدك
عايزك بقى وأنا ظابط حالي
تبقي مراتي وأم عالي
ده إنت حبيبتي مقامك عالي
وكل الدنيا دي بالنسبة لي
أوعدك
هعملك فورمة وعضلات
جسمك جامد في الكتكات
وسطك ملبن لا مطاط
دمك بقى زي الشربات
أوعدك
يا ولد
يا ما قبلك غنوا عليّ وقلعوا لبسوا حبيبي وشوش
راحم وأهم جم ع الفاضي وحاولوا كثير بس ماعرفوش
أنا، أنا، أنا، أنا عايزة أركب طيارة وفي كل مكان تبني لي عمارة
وألبس لك جيبة مفتوحة من وراء
وتجيب لي هدوم يا حبيبي من زارا
أنا عايزة أركب ماكوك أنا أصلي أميرة وبنت ملوك
وأنا أهلي خلاص يا حبيبي حبوك
لو عايز حب كمان ندوك
وقفت كثير شنبات على خطوة رجلي أنا في العبايات
أنا واكلة الجو بقى ترندات لما أظهر كله يجي له سكات
إنت يا عمهم إنت اللي فيهم كلهم
ما تحني عليّ يا ستهم
ده حضورك حارق دمهم
ما تبس يا ولد بقى
ما كفاية بص وبحلقة
حسيت أنا بيك ومصدقة
شهر العسل في الغردقة
أوعدك
إدي له
يا ندامة
