السنين بتلف بينا كل دا واحنا شباب
كل مادا تضيق علينا كل يوم يتسد باب
احلامنا بقت ذكرى من الضيقة ومن الكتمة
ومش شايفين من بكرة غير شابورة وعتمة
وايام شبه بعضها واقعين اهو في عرضها
تسيبنا مستورين دى ظروفنا زي الشتاء
مش نافع فيه الغطاء وتملي بردانين
وايام شبه بعضها واقعين اهو في عرضها
تسيبنا مستورين دى ظروفنا زي الشتاء
مش نافع فيه الغطاء وتملي بردانين
كانت الاحلام يادنيا زمان طايله السحاب
دلوقتى الحلم طقه واربع حيطان وباب
وياريتهم مطالين دول ابعد من الايدين
وانا هو انا واللى زيي عايشين ومش عايشين
كان نفسي يكون لي بيت مفتوح
اشقى عشان ارعيه وضنايا من يادنيا ماروح
تفضل ايدي في ايده يعيش مسنود عليا
يكبر قدام عينيا ساعت مايقول يابابا
اطير من الفرحة دي كان نفسي في ايدى القرش
وساعد ابويا بيه واحسسه ان شقاه ماضعش
على الفاضي وهايلقيه امي الغالية بحننها
تتباها وسط جيرانها وتقول اهو ابن بطني
اللي ضاع عمري عليه كان نفسي اعيش شبابي
واشوف الدنيا في عين حبيبة مش عين شايفة
الحياة من الخوف سودة وظلمة وكئيبة
مسدودة من كل ناحية وهمومها نملى صاحية
وكل حاجة فيها مش مفعهوم وغريبة
ومين ياناس بس المسؤل على احنا بقينا فيه
ليه اللي فعلا عنده حلول ساكت وسيبنا ليه
بنقول اه من وجعنا على غربتنا وضيعنا
دا جيل بيضيع قدامكم وبتتفرجوا عليه
بس احنا مش هنضيع لينا رب
قادر على كل شئ هايهون المشوار الصعب
وينور الطريق هوا اللى عالم بينا
مسيره هيعدينا وبكرا ياناس هتفرج
مهما هضيق علينا
