انا م الدنيا علي اخرى
دى دنيا مغلبة المخاليق
من الاحزان خلص عمرى
و يوم عن يوم ف عينى تضيق
خلاص مش قادر اتحمل
خلاص فاض بيا واتكلمت
سنين ساكت وبتجمل
سنين علي الهم قُمت ونمت
انا بنتهى
انا مش مجرد حد مجروح او حزين
انا بنتهى
انا كل همى وحلم ضايع من سنين
انا م الدمع مش شايف انا م الحزن مش واعى
انا جسمى اتنحل م الهـم متسلسل بــ اوجاعى
تملي الدنيا بتــمــرر
تملي جراحى منسية
تملي همومى تتكرر
تملي الفرحة أُمنية
ماعدش بقيلي شيء فيكى - اعز احبابي فــرقونى
ماعدش بقيلي غير اوجاع - نــاس كـفـهـم يبكونى
كل اللي حلتى من الحياه ناس مــش حبـبهـم
ولا عرف اكسب عطفهم ولا عارف اسيبهم
