مارد متلك ما بموت / الناس بتحلُف وحياتو

ضوّي عتمة هالتابوت / قوم وكسِّر خشباتو

لوين رِحِت .. !! ومين سمحَلَك تروح !!

ومين قال تعِبِت ؟؟

ومين بعدَك مين بدّو يقطِّب هالجروح ؟؟

ما بيلبقلَك غَفا !؟

مش إلَك مش إلَك نومِت التابوت !!

خبِّرني يا بيّي هلّق شو حاسس ؟؟

تعبان ، بردان ، مزعوج من ريحة البخّور ؟؟

آه يا بيّي خبِّرني شو حاسس

قوم يلّا .. قوم لِمتلَك ما بيسكنو قبور

قعود مطرح ما كنت تقعُد للعدرا ناطور

مارد متلَك ما بِموت