على طاري المحبة والمفارق والوله والشوق

‏تمر بخاطري والصبرّ ينثر كل ما جمّعت

تموت دموعي بعيني أخاف يشوفها مخلوق

‏شموخي ما يطاوعني على الدمعة لو إني طعت

ينادوني وأنا ساكت وتايه كأنّي لحالي

‏ولا أبيهم يشوفوني يحسبوني أنكسرت وطحت

ألا يا بري حالي يا بعد كل الحلا والذوق

أنا ما عمري أرخصتك ولكن كيف منّي ضعت

رحلت وما بقى بي صبر ذبحني الشوق بغيابك

على انغام المطر والحب يرميني على بابك

لوحدي والشتا لو عاد برده موحش وقاسي

تعال ولملم جروحي تعبت وفاض بي كاسي

وكنّا أحباب لو كان الوله غلاب

وكنّا أحباب لو ما للفراق أسباب

وفارقني وفارقته وفراقه ما توقعته

يا ليت الوقت يسعفني ويرجع كان ودعته

ويرجع كان ودعته

أحبك إيه أحبك وأتولّه للقا وأتوق

وغايب وإنت غايب وأشهد إني بالغياب التعت

على ما هزني شوقي لشوفك شوفني سالي

وأسولف وأبتسم مرتاح لو في داخلي ما ارتحت

تعطر من حنين الذكريات وعهدها الموثوق

وتلقاني على خبرك أصون العهد لو ودعت

يمر العمر وإنت لحالك اللي ساكنن قلبي

وسرّن بدفنه في خافقي مهما جرى ما بحت

على جرح الغياب المرّ سهر طرفي من أسبابك

ورصيف الحلم يطوي عمر غير الحظ ما جابك

على جرح الغياب المرّ سهر طرفي من أسبابك

ورصيف الحلم يطوي عمر غير الحظ ما جابك

ومرّ العمر واحنا بعاد صبرت وعشت متناسي

ولا بسمة ولا ميعاد تعبت وضاقت أنفاسي

وصرنا أغراب من قلب اللقا المنصاب

وليه أغراب مادام الهوى ما غاب

أنا حسّك وهمساتك وعطرك باقية فيني

ولو فيني حبيبي من غيابك ما يكفيني

غيابك ما يكفيني