يا منادي نادي عليه شوفهولي

‎لانه جايز هربان من صوتي

‎يبعد عن كل مكان يحمل وجودي

‎نافي نفسه حوالين حدودي

‎فنادي انت يا منادي جايز تجبهولي

‎بس اياك لما ييجي برده تنسوني

-ايام ماكنت قاعد مش مستني غير سؤال

-قاعدت استني كتير و ملقتش كلام يتقال

-ملقتش اي مبرر واحد .. مفهمتش ليه

-مفهمتش اي حد فيكوا .. طب اعمل ايه

-حاولت كتير اني افهمكم حاولت كتير اقرب منكم

-حاولت اكتر اني استنا طب ماتقلي فينكم

-فينكم .. لما الناس كلها سابتني

-طب فينكم وقت لما الضغط كان كابتني

-ايام كتير حتعدي وكله حينسي شكلك

-مافتكرش ان حد ممكن يوم يفتكرك

-مانا اصلي عارف انها بالأفعال مش بالكلام

-بعد كل حاجة عاديت برده مافيش كلام يتقال

-بس اكيد انا كنت مقصر مامفيش عليك ملام

-اعذرني في الكلام .. انا بس حاسأل سؤال

-هو سؤال واحد و مبني عليه كل الردود

-ازاي عايش حياتك و جزء منك مش موجود

يا منادي نادي عليه

‎لانه جايز هربان من صوتي

‎يبعد عن كل مكان يحمل وجودي

‎نافي نفسه حوالين حدودي

-ايام و سنين بتعدي وجودك شئ ناقصني

-وجودك كان اساسي بس الذنب ده مش ذنبي

-خليك فاكر ان الإختيار دايما موجود قدامك

-وقت ماقررت تبعد ده كان كله بإختيارك

-حاولت كتير اقرب .. حاولت كتير اني ارجع

-حاولت كتير اني انسي .. بس ماكانش ينفع

-في كل مرة كنت بحاول الوحدة كانت دايمآ بتزيد

-لحد لما وصلت اني بقيت عايش في خيال مريض

-و لو في يوم فكرت انك اي وقت ممكن ترجع

-غيرك حاولوا كتير بس مكنش مقنع

-فاكر وقت ماقلت معاك دايمآ واقف في ضهرك

-كدبت كتير انت ازاي راضيها علي نفسك

-اسمع مني كلمة .. لازم تصون اللقمة

-اوعي تخسر حد و دايمآ حافظ عالعشرة

-كلامك مش بفلوس بكل سهولة عليه بتدوس

-خلي نفسك راضية عشان ترضي كل النفوس

يا منادي نادي عليه

‎لانه جايز هربان من صوتي

‎يبعد عن كل مكان يحمل وجودي

‎نافي نفسه حوالين حدودي

‎