الاول فالغربة ودلوقتي الوحدة
محدش فاهمني ولا فاهم القصة
اخطائي عارفها حافظها انا كارفها
محدش سامعني سامع نفسي لسا
الفترة طولت ومطلعتش بنفسي
انا كنت بحارب و الحرب جوا عقلي
وعقلي الي فاز بس موتلي قلبي
صراعي دا انتهى وخسرت انا نفسي
طالع من النور انا داخل الضلمة
سايبك وماشي ومش ناقص مناضلة
الوقت بيعدي والعمر بيجري
السيناريو ف ايدي ومش كاتبك ف القصة
محدش فيكم كان فاهم الي فيا
هاند فري كانت صاحبي الي ليا
لا مش تمام انا جالي اكتئاب
لا انا مظبوط بس قلبي الي مات
ممر طويل وف اخره الوحدة
(((العمر قصير ف محتاج لخطة)))
انا مش مثالي وفيه كتير بدالي
بس طالب منكم تسيبوني ف حالي
عايش ف عالم ، عالم موازي
سايب بكرا ومركز ف الماضي
فاكس الواقع دا جايب مشاكل
ابعدي عني زودتيها مشاكل
هركز وانساكي هركز وافوق
دماغي بتلف من تحت لفوق
بحلم وانا صاحي مش بس النوم
عندي اوجاع مش بشكي والوم
مسحتك من بالي مسحتك وعادي
مش هتشوفيني تاني تشوفيني ف السما
الفعل دا ابتدا
مش واقف جمبها
انا شايف الفضا
سبعة ف الارض
وسبعة ف السما
ف دماغي كواكب مجرتها الذكريات
طريقي مش سالك فاضي بس للملفات
في دماغي شوارع من غير اشارات
حواريها مليانة زحمة حوارات
بهاجم و ادافع دا احساس غريب
بخاف نقرب ف واقف بعيد
الوقت من غيرك مبيعديش
هوصل للسما بس متنسنيش
الحلم من غيرك ميلزمنيش
صعب ف الدنيا دي تعيش
الاول فالغربة ودلوقتي الوحدة
محدش فاهمني ولا فاهم القصة
اخطائي عارفها حافظها انا كارفها
محدش سامعني سامع نفسي لسا
الفترة طولت ومطلعتش بنفسي
انا كنت بحارب و الحرب جوا عقلي
وعقلي الي فاز بس موتلي قلبي
صراعي دا انتهى وخسرت انا نفسي
