عن واحدة كانت بتقول ان انت الدنيا بحالها
اديتلك كل حياتها عشان انت كنت أملها
انسان حاربت علشانه الدنيا وهو خذلها
دي جزاتها انها آمنتلك ومحطتش ف بالها
كانت فاكراك ان انت اللي هترسم مستقبلها
دلوقتي الجرح آذاها، ده لو مطلعش قتلها
وكمان ليك عين بعد ده كله رايح تسألها
عامل مستغرب قال يعني مش عارف مالها!
لو عندك قلب بجد انساها و سيبها ف حالها
على فكرة انت ندمت عليها لما بقيت محتاجها
بس الفكرة انها مش حمل أسف ولا حمل مواجهة
لو فعلاً فارقة معاك، سيبها وهتسامحك بمزاجها
أحيانا كلمة انا آسف مبيبقلهاش معنى
الحاجة اللي تموت جوانا عمرها ما بتوجعنا
ربنا يكفيك شر الحب لمّا بيتحول لعنة
وكمان ليك عين بعد ده كله رايح تسألها
عامل مستغرب قال يعني مش عارف مالها!
لو عندك قلب بجد انساها و سيبها ف حالها
