كان في مره زمان عصفوره
اسمها كوكو وليها صحاب
قطه وكلب وارنب دايما
مع بعض بيلعبوا العاب
وفي يوم كوكو قالت لصحابها
انا أحسن منكم وبطير
لكن أنتم ملكمش جناح ولا عندكم ريش فيه فرق كبير
زعل الأرنب منها وقال
اهدي يا كوكو متتغريش
لو مش عاجبينك فارقينا واعتبرينا بح مافيش
طارت كوكو وراحت ماشيه وقالت فعلا عندكم حق
انا كان ايه خلاني اصاحبكم
انتم ضعفا لكن انا لا
بعد يومين بالظبط تمام
حست كوكو انها عطشانه
وقفت تشرب عند البير
شافها التعلب جه واصطدها
حطها جوه قفص يا حرام
فضلت كوكو تقول اه يانا
التعلب بصلها وقال اكله جميله وجت في ميعادها
جمب الوكر بتاعه ربطها
وجري في الغابه عزم اشرارها
عرفوا صحابها باللي جرالها قالوا لا بد نفك حصارها
الكلب فضل ماشي يشمشم علي كوكو يفتش بعنيه
والارنب جري جمب التعلب يضرب ديله ويشغل فيه
والقطة خربشت الحبل اللي قفص كوكو مربوط بيه
خرجت كوكو بسرعة وقالت
انا مش عارفة اقلكم ايه
انتم صحابي حابيبي واجدع منكم في الدنيا ديه مفيش
الشاطر فينا بأخلاقه مش لازم بجناح او ريش
من وقتها كوكو اتعلمت ان الانانيه مش بتعيش
من وقتها كوكو اتعلمت ان الانانيه مش بتعيش
